مبادره " حياه " "المعتقدات" . "لو إعتبرنا إن الإنسان بيت فنقدر نقول إن معتقدات ومبادئ الإنسان هي أساس البيت ده" والمبدأ عموماً بيأثر ع تصرفاتك ع طول فترة حياتك وتصرفاتك دي هي اللي بتفرق أي طريق بتمشيه وده شئ طبيعي لإن المبدأ الصح هو تجربة إنت مريت بيها فـ فكرت فيها كويس ودرستها وطلعت وجهة نظر خاصة بيك وحاجة إنت شايفها الصح وقررت تعتنق المبدأ ده لإنك شايفه "صح" . طيب،، إسأل نفسك كدا هل كل المبادئ في حياتك صنعتها بالشكل ده بعد تحليل ودراسة؟! أكيد لأ!! كمصريين وكمجتمع مصري عندنا بقي أسباب كتير لـ مبادئ بنآخدها من غير تفكير grin emoticon أسباب زي: - علشان هما بيعملوا كدا لازم نعمل زيهم - علشان عيب مينفعش - علشان المبدأ ده أسهل من غيره ومش هيسببلي إحراج . . إحنا والله مالناش خبرة في جزئية الكورة بس في مثال كدا هيوضح إزاي المبدأ والإعتقاد عند الإنسان بيتحكم فيه كلياً . لو لاعب في فريق "الزمالك" عنده اعتقاد ومبدأ من بتاع (علشان هما شايفين كدا لازم نعمل زيهم) المهم يعني عنده اعتقاد من زمان إن "الأهلي" بيكسب دايماً ومش بيخسر .. هل لو اللاعب ده لعب ماتش ضد "الأهلي" هيعرف يلعب كويس ويبذل مجهود؟! طبعاً لأ لإن مبادئك بتسيطر عليك كلياً فأي فشل أو نجاح في حياتك مبني ع أعمدة مبادئك .. . في "حياة" هنبدأ معاك من الصفر!! هنبدأ من مبادئك الغريبة كإنسان مصري ونخليك تفصصها وتكسرها وتحللها وتشوف منها اللي بيرجعك ورا ومكتفك من إنك تنجح وتمحيه خالص من دماغك .. الموضوع مش صعب ومش سهل الموضوع بس عايز شوية تفكير وتأمل ومواجهة مع نفسك وهو ده من أولي الحاجات اللي هتحصل في المعسكر إن شاء الله وهي دي بداية الطريق . إنضم معانا لـ "حياة" وراجع مبادئك ومعتقداتك من تاني!! ========================================== :::: "حياة" .. 5 أيام .. 10 ساعات يومياً .. فاصل كامل تحتاجه حياتك .. فرصةلإسترجاع مافقدته :::: إعرف تفاصيل أكتر عن "حياة" وشارك معانا من هنا : https://www.facebook.com/events/1028941383805445/